Aleksandr Lukashenko Shavkat Mirziyoyevni tabrikladi

Belarus prezidenti Aleksandr Lukashenko O‘zbekiston Respublikasi prezidenti Shavkat Mirziyoyevni tug‘ilgan kuni bilan tabrikladi.

Bu haqda Belarus yetakchisi matbuot xizmati xabar tarqatdi.

Aleksandr Lukashenkoning ta'kidlashicha, O‘zbekistonning o‘z yetakchisi rahbarligi ostida ijtimoiy-iqtisodiy sohada va xalqaro maydonda erishgan yutuqlari Belarusda yuksak baholanadi.

«O‘zaro tushunish va do‘stlikka asoslangan Belarus-O‘zbekiston sheriklik munosabatlarining ochiqligi, barcha darajadagi muloqotning faol davom etayotgani va savdo-iqtisodiy aloqalarning mustahkamlanayotgan dinamikasi mamlakatlarimiz samarali hamkorlikni rivojlantirishdan manfaatdor ekanligini ko‘rsatadi», - deyiladi tabrikda.

Shuningdek, prezidentning ma'lum qilishicha, mamlakatlar birgalikdagi sa'y-harakatlar tufayli, ikki tomonlama hamkorlikning muhim iqtisodiy, ilmiy va gumanitar salohiyatini amalga oshira oladi.