Pentagon Javelin majmualarini ishlab chiqarishga 300 mln dollar ajratdi. Ular qator davlatlarga mo‘ljallangan

Foto: United States Army

AQSh Mudofaa vazirligi Javelin tanklarga qarshi raketa majmualarini ishlab chiqarishga 300 mln dollardan ortiq mablag‘ ajratdi. Ular qator mamlakatlar, jumladan, Ukraina uchun mo‘ljallangan bo‘ladi. Bu haqda Pentagon tomonidan imzolangan shartnomalar ro‘yxatida aytilgan.

Raytheon va Lockheed Martin kompaniyalari majmualarni ishlab chiqarish uchun 308 mln dollar oldi, ishlar 2021 yilning sentabr oyiga qadar yakunlanishi belgilab qo‘yilgan.

Raketa majmualarini oluvchilar orasida - Avstraliya, Ukraina, Litva, Turkiya va Estoniya.