Italiya prezidenti migrantlarni qullar deb atadi

Italiyaga kelayotgan muhojirlar ko‘p holatlarda odam savdosi bilan shug‘ullanuvchilar qurboniga aylanmoqda. Bu haqda mamlakat prezidenti Serjo Mattarella ma'lum qildi. U fuqarolarni bu muammodan «voz kechmaslikka» chaqirdi. Uning so‘zlari The Local tomonidan keltirilgan.

«Qullik - insoniyatning eng katta sharmandaligidir», - dedi u. Prezidentning ta'kidlashicha, migratsiya - odam savdosining rivojlanishi uchun samarali zamin. 

«Urush va qashshoqlik bolalaridan odam savdosi bilan shug‘ullanuvchilar foydalanmoqda, ular kelajakdagi azob-uqubatlar yo‘liga yuborilmoqda: mehnatdan foydalanish, noqonuniy qabul qilib olish, ichki organlar savdosi, jinoiy guruhlarga yollash va jinsiy qullik», - deya ma'lum qildi Mattarella. 

Italiya Ichki ishlar vazirligining ma'lumotlariga ko‘ra, odam savdosi - qurol-yarog‘ va giyohvand moddalar savdosidan keyin jinoiy tashkilotlarning asosiy daromadlaridan biri. Xalqaro mehnat tashkiloti butun dunyoda 40 milliondan ortiq qul borligini hisoblab chiqdi. Odam savdosi bilan shug‘ullanayotganlarning har to‘rtinchi qurboni - yosh bola, deya yozadi gazeta.