Xalqaro iste'molchilar tajribalari tashkilotlari assotsiatsiyasi 2018 yilda sotuvga chiqarilgan smartfonlarni keng miqyosda tekshiruvdan o‘tkazdi. Oldingi tadqiqotga eng mashhur telefon modellarining yana 55tasi qo‘shildi.
Apple, Huawei, LG, HTC, Asus, Samsung, Sony Xperia ishlab chiqaruvchilari tomonidan taqdim etilgan yangi qurilmalar 229ta sifat va xavfsizlik parametrlari bo‘yicha sinovdan o‘tdi. Telefon imkoniyatlari, ergonomika, kamera va video, matnli xabarlar yozish, navigatsiya, internet o‘rganib chiqildi.
Top-10da Samsung Galaxy S9 va Samsung Galaxy S9 Plus modellari ilk pozitsiyalarni egalladi. Oldingi reyting yetakchilari - Samsung Galaxy S8 va S8 Plus - mos ravishda uchinchi va to‘rtinchi o‘ringa tushib ketdi. Reytingda keyingi o‘rinda iPhone 8 Plus, undan so‘ng - Huawei P20 Pro taqdim etilgan.
Yettinchi o‘ringa Samsung Galaxy Note 8, keyingi pog‘onalarga iPhone 8 va iPhone X munosib ko‘rildi, top-10ga Huawei-Mate 10 Pro yakun yasab berdi. Shu tariqa, eng yaxshi smartfonlar o‘ntaligida Samsung’dan eng ko‘p modelga ega (beshta), uchta iPhone modeli va ikkita Huawei bor. Bundan oldin sakkizinchi va to‘qqizinchi o‘rinlarni egallagan ikkita LG modeli birinchi o‘nlikka kirgani yo‘q.
Samsung smartfonlarida tovush sifati, batareya quvvati, xotira hajmi, qo‘ng‘iroqlar sifati va suv o‘tkazmaslik eng yaxshi, deb topildi. Surat va videotasvirlar sifati ko‘rsatkichi bo‘yicha reytingning eng yuqori uchta o‘rnini Apple smartfonlari egalladi - iPhone X, iPhone 8 va Apple iPhone 8 Plus. Kamera sifati bo‘yicha umumiy reyting yetakchilari Samsung S9 va S9 Plus faqat 12- va 17-o‘rinda, Galaxy Note 8 va Galaxy S8 Plus esa beshinchi va oltinchi pog‘onalardan joy oldi.
Huawei P20 Pro va Huawei Mate 10 Pro eng mustahkam qurilma bo‘ldi, mexanik ta'sirga nisbatan eng zaif qurilmaga Apple iPhone X aylandi.
Akkumulyator tadqiqotlari natijalariga ko‘ra, Huawei Mate 10 Pro (4,5 ball), Samsung Galaxy S8 (4,09) va Galaxy S8 Plus (4,01) yuqori reytingga ega bo‘ldi.
Top-10dan barmoqlar tegishiga nisbatan sezgirlik darajasi bo‘yicha iPhone 8 Plus, iPhone 8 va iPhone X past o‘rinda. Ekspertlarning fikricha, Galaxy S8 i S8+, Galaxy Note 8 va iPhone X’ni ishlatish ancha mushkulroqdir.
