Yaponiya qiruvchilar Iturupda joylashtirilgani sababli Rossiyaga protest bildirdi

Yaponiya janubiy Kuril orollarida qiruvchi samolyotlar joylashtirilgani tufayli Rossiya tomoniga protest bildirdi. Bu haqda RIA «Novosti» xabar qilmoqda.

Ta'kidlanishicha, o‘tgan haftada Yasniy aeroportida Rossiyaning Su-35S ko‘p nishonli qiruvchi samolyotlari ekipaji tajriba-jangovar navbatchilikka kirishgan.

Yaponiya vazirlar mahkamasi bosh kotibi Yosixide Suganing so‘zlariga ko‘ra, Yaponiya tomoni da'vogarlik qilayotgan Iturup orolida qiruvchilarning joylashtirilishiga qarshi protest Rossiya Tashqi ishlar vazirligiga 3 avgust kuni yuborilgan.

Eslatib o‘tamiz, avvalroq Yaponiya telefonlar tufayli Rossiyaga protest bildirgandi.