Foto: customs.uz
O‘zbekiston aeroportlarida bojxonachilarning yangi formasi joriy etildi. Bu haqda Kun.uz’ga Davlat bojxona qo‘mitasidan xabar berishdi.
Endilikda harbiy unvonlar ko‘krakka taqiladigan metall plastinalarga tushiriladi, pogonlar esa bo‘lmaydi.
Mahkama matbuot xizmatidan ta'kidlashlaricha, pogonli maxsus forma yo‘lovchilarga ruhan salbiy ta'sir ko‘rsatadi va ishonchli aloqa o‘rnatishga yo‘l qo‘ymaydi.
Xabar qilinishicha, yangi libos bojxonachilarga poytaxtimiz yo‘lovchilari va mehmonlarini yaxshiroq kutib olish hamda kuzatishga imkon beradi.
