Toshkentdagi Abdulla Qodiriy bog‘i zamonaviy parkka aylantiriladi

Shavkat Mirziyoyev poytaxtning Abdulla Qodiriy nomidagi madaniyat va istirohat bog‘iga tashrif buyurib, bog‘ni zamonaviy parkka aylantirishga qaratilgan loyihalar bilan tanishdi. Bu haqda davlat rahbari matbuot xizmati xabar bermoqda.

Prezident bog‘ markazida Abdulla Qodiriy haykalini o‘rnatish, bog‘ni boshqalardan ajralib turadigan qilib qurish, bu yerda adib yashagan davrni aks ettirish zarurligini ta'kidladi.

Chorsu bozori va Gulbozor mahallasida bunyodkorlik ishlarini amalga oshirish, bu tarixiy joyda turizmni rivojlantirish bo‘yicha topshiriqlar berildi.

Prezident shu yerda mahalla faollari va ziyolilar bilan suhbatlashdi.

Eslatib o‘tamiz, avvalroq Shayxontohur tumanining Oqlon mahallasida texnopark tashkil etilishi xabar berilgandi.