Rossiya TIV: AQSh supermen rolini eplay olmadi

Rossiya Tashqi ishlar vazirligi rasmiy vakili Mariya Zaxarovaning «BaltArtek» xalqaro ta'lim forumi ishtirokchilari bilan bo‘lib o‘tgan uchrashuvda ma'lum qilishicha, AQSh o‘zining alohida, muhim davlat sanalishi haqida e'lon qilib, supermenning rolini eplay olmadi. Bu haqda RIA «Novosti» xabar berdi.

«Qo‘shma Shtatlarning alohida, muhim davlat sanalashiga doir konsepsiya o‘ylab topilgandi... Ammo agar AQSh barqarorlik olib kelishi, barqarorlikni tartibga solishi mumkin bo‘lganida, unda ko‘pchilik bu konsepsiyani qabul qilgan bo‘lardi. Supermenning rolini AQSh eplay olmadi», - deya aytib o‘tdi Zaxarova. 

U mojarolar soni ko‘payib borayotganini, ular global miqyosga ega bo‘lishni boshlagani haqida ta'kidlab o‘tdi.

Uning so‘zlariga ko‘ra, AQSh o‘zining alohida rolini e'lon qilgan davlat oldida turgan vazifalarni amalga oshira olmadi.

Eslatib o‘tamiz, avvalroq 3 davlat o‘rtasida «tasodifiy» yadro urushi yuz berishi taxmin qilingandi.