Kim Chen In «mo‘'jizalar tarixi» haqida gapirib berdi

Shimoliy Koreya yetakchisi Kim Chen Inning ma'lum qilishicha, KXDR aholisi tashqaridan o‘tkazilayotgan bosimga bardosh bermoqda. Bu haqda davlat rahbari Samchjiyon uyezdidagi qurilish uchastkasiga tashrif buyurgan paytda xabar berdi, deb yozmoqda Koreya Markaziy telegraf agentligi.

«Hozirda bizning sotsializmning taraqqiyoti yo‘lida dushman kuchlari sanksiyalari va bosimi tufayli jiddiy to‘siqlar paydo bo‘lmoqda, lekin partiya chaqirig‘i bilan yuzaga kelgan xalqning ko‘tarinki kayfiyati, odamlarning qaynoq g‘ayrati tufayli eng qiyin va og‘ir sharoitlarda mo‘'jizalar tarixi yoziladi», - deya hisoblaydi u.

Uning so‘zlariga ko‘ra, qator mamlakatlar cheklov choralari orqali «KXDRning taraqqiyot yo‘lida turli qiyinchiliklar keltirib chiqarmoqda».

KXDRga qarshi xalqaro sanksiyalar ilk bor 2006 yilda BMT darajasida joriy etildi. 2016 yilda AQSh Pxenyan bilan hamkorlik qilgan har qanday shaxslar yoki kompaniyalar qamrab olinuvchi eng jiddiy cheklovlarni o‘rnatdi. Amerika tomonining ma'lum qilishicha, KXDRning to‘liq yadroviy qurolsizlanishidan so‘ng sanksiyalar bekor qilinadi.

Eslatib o‘tamiz, avvalroq KXDRda Trampni «jasur qarorlar» qabul qilishga chaqirishgandi.