AQSh Adliya vazirligidan ma'lum qilishlaricha, Eronning ikki fuqarosi josuslikda ayblangan. Ular AQSh hududida bo‘lib, Tehron foydasiga josuslik qilgan. Bu haqda mahkama saytida xabar berilgan.
Mavjud ma'lumotlarga qaraganda, gap 38 yoshli Ahmadrizo Muhammadiy-Do‘stdoriy va 59 yoshli Majid Gorbaniy haqida ketmoqda. Taxminlarga ko‘ra, ular AQSh hududidagi yahudiy va Isroil obektlarini kuzatib borishgan. Bundan tashqari, qo‘lga olingan shaxslar Eron hududida terroristik deb topilgan Eron xalqi mujohidlari tashkilotining a'zolari haqida ma'lumotlarni to‘plashda gumon qilinmoqda.
Eslatib o‘tamiz, avvalroq Eron Ruhoniy va Trampning uchrashuvi nega yuz bermasligini ma'lum qilgandi.
Eron tashqi ishlar vaziri Muhammad Javod Zarifning ma'lum qilishicha, mamlakat prezidenti Hasan Ruhoniyning Qo‘shma Shtatlar yetakchisi Donald Tramp uchrashuvi AQSh yadroviy bitimdan chiqqani tufayli hech qanday ahamiyat kasb etmaydi.
Zarifning so‘zlariga ko‘ra, Qo‘shma Shtatlar Qo‘shma keng ko‘lamli harakatlar dasturidan chiqib, ilgari erishilgan «ulkan muvaffaqiyat»ni yer bilan bitta qildi.
