Pompeo Abu Dabi valiahd shahzodasi bilan terrorizmga qarshi kurashni muhokama qildi

AQSh davlat kotibi Mayk Pompeo Abu Dabi valiahd shahzodasi Shayx Muhammad bin Zayd Al-Nahayon bilan telefon orqali muloqotda Yaqin Sharqdagi terrorizm va ekstremizmga qarshi kurash masalalarini muhokama qildi.

Tomonlar «turli sohalarda, xususan ekstremizm va terrorizmga qarshi kurashda, shuningdek, xavfsizlik va barqarorlikni mustahkamlash hamda mintaqada tinchlikka erishish yo‘lidagi sa'y-harakatlarni muvofiqlashtirish» kabi masalalarni muhokama etgan.

Shuningdek, davlat kotibi va valiahd shahzoda Yaqin Sharqdagi so‘nggi voqealarni hamda qator mintaqaviy va xalqaro muammolar yuzasidan fikr almashgan.

Eslatib o‘tamiz, avvalroq Pompeo Trampning Eron bo‘yicha niyatini ma'lum qilgandi.