Pompeo Trampning Eron bo‘yicha niyatini ma'lum qildi

AQSh davlat kotibi Mayk Pompeoning ma'lum qilishicha, Qo‘shma Shtatlar Eronga qarshi sanksiyalarni Tehron o‘z siyosatini keskin o‘zgartirmagunga qadar saqlab qoladi. Bu haqda Associated Press xabar bermoqda.

Pompeoning so‘zlariga ko‘ra, AQSh prezidenti Donald Tramp muloqotni olib borish uchun tayyor, ammo Eron tomonidan «katta o‘zgarishlar» talab etiladi. Shu bilan birga, davlat kotibining ta'kidlashicha, Amerika yetakchisi Eronni «normal mamlakat kabi o‘zini tutishga» majbur qilmoqchi.

Eslatib o‘tamiz, avvalroq Pompeo Eronga qarshi sanksiyalarga «qat'iy rioya qilinishi» haqida aytgandi. Pompeoning so‘zlariga ko‘ra, sanksiya cheklovlarining Eronga nisbatan tiklanishi Amerika siyosatining muhim qismidir.