Samarqandda uch kun davomida Silk Road Bazaar festivali bo‘lib o‘tadi

24 avgustdan 26 avgustga qadar Samarqand shahrining Islom Karimov ko‘chasida hunarmandchilik va savdo milliy festivali bo‘lib o‘tishi kutilmoqda. Samarqand viloyat turizm ishlari boshqarmasining Kun.uz’ga xabar berishicha, festival sharqona bozor uslubida tashkillashtiriladi. 

Tadbir davomida hunarmandlar o‘z hunarlarini namoyish etishadi, non mahsulotlari, milliy taomlar va sharqona shirinliklar ko‘rgazmasi ham bo‘lib o‘tadi. Shahar mehmonlari uchun milliy folklor konsertlari ham tashkillashtiriladi. Tadbir ertalabdan kechgacha davom etadi. 

Istovchilar «Buyuk ipak yo‘li» festivalida esdalik uchun suvenirlar xarid qilishlari mumkin bo‘ladi.