Ukraina Rossiyani mamlakatda g‘alayonlar keltirib chiqarishda aybladi

Ukraina harbiy-dengiz kuchlarining sobiq qo‘mondoni vitse-admiral Sergey Gaydukning ma'lum qilishicha, Rossiya tomoni mamlakat qirg‘oqlariga yaqin tumanlarda tartibsizliklar kelib chiqishiga harakat qilmoqda. Bu haqda u «Espreso.TV» efirida aytib o‘tdi.

Gaydukning so‘zlariga ko‘ra, Rossiya tomonining Azov dengizidagi harakati Berdyansk va Mariupol dengiz portlariga iqtisodiy bosim o‘tkazmoqda. Shu tariqa, Rossiya ommaviy tartibsizliklarni uyushtirishni xohlayapti. Ayni paytda vaziyat yomonlashmoqda, chunki Mariupol jangovar harakatlar olib borilayotgan Donbass yaqinida joylashgandir.

«Tasavvur qiling-a, Mariupoldan sharqda bizning dengiz qirg‘oqlar guruhimiz joylashgan, u har kuni dushman bilan to‘qnashuvlarga duch keladi, Mariupoldan g‘arbdan hamda Mariupolning o‘zida ommaviy tartibsizliklar yuzaga kelyapti, sababi odamlar ishidan ayrilib, oilasini boqish imkoniyatidan mahrum bo‘lmoqda va hokazo», - deya aytib o‘tdi Gayduk.

Uning qo‘shimcha qilishicha, Rossiya tomoni aynan shunga bor e'tiborni qaratmoqda.

Eslatib o‘tamiz, avvalroq Ukraina nega Qrimdan kemalarini olib chiqib ketmayotgani aytilgandi.