Afg‘oniston bo‘yicha Moskva uchrashuvi noma'lum muddatga qoldirildi

Rossiya tashqi ishlar vazirligi o‘tkazilishi 4 sentabrga belgilangan, Afg‘oniston bo‘yicha Moskva shaklidagi uchrashuv boshqa sanaga ko‘chirilganini tasdiqladi. Yangi sana diplomatik kanallar bo‘yicha kelishib olinadi.  

27 avgustda Rossiya tashqi ishlar vaziri Sergey Lavrov Afg‘oniston prezidenti Ashraf G‘ani bilan telefon orqali suhbatlashgan. Suhbat chog‘ida Afg‘onistondagi vaziyatni tartibga solishda ikki tomonlama hamkorlikning dolzarb masalalari muhokama qilingan. G‘ani umuman Moskva uchrashuvini tashkillashtirish fikrini qo‘llab-quvvatlagan, biroq uni “afg‘on tomonining bu masala bo‘yicha umumiy pozitsiyasini ishlab chiqish zarurati hamda Afg‘onistondagi kuch bloki rahbariyatida lavozimiy o‘zgarishlar o‘tkazilayotgani sababli” boshqa sanaga ko‘chirishni taklif qilgan. 

Moskvadagi uchrashuvda “Tolibon” harakati vakillari ishtirok etishga rozilik bergandi. Biroq Kobul uchrashuvda toliblar ishtirok etishi mumkinligi sababli unga borishdan bosh tortgan. Keyinroq ma'lum bo‘lishicha, Afg‘oniston prezidentining olib borayotgan siyosatiga norozi bo‘lgan uning milliy xavfsizlik masalalari bo‘yicha maslahatchisi iste'foga chiqarilgan.