Tramp Putin bilan uchrashuvni hayotidagi eng yaxshisi deb atadi

Amerika Qo‘shma Shtatlari prezidenti Donald Tramp rossiyalik hamkasbi Vladimir Putin bilan uchrashuvni hayotidagi eng yaxshi voqealardan biri deb atadi. Bu haqda u Montana shtatidagi o‘z tarafdorlari oldida so‘zlagan nutqida ma'lum qildi, deb xabar bermoqda CNN.

«Ular [mening tanqidchilarim] biz arenada boks jangi tashkil etishimizni xohlashgandi. Biz juda zo‘r uchrashuv o‘tkazdik. Ukraina, Suriya haqida, Isroilni himoya qilish haqida gaplashdik. Biz ko‘plab buyuk narsalar to‘g‘risida suhbatlashdik», - deya tushuntirgan AQSh yetakchisi.

Iyul oyi boshida Tramp jurnalistlar uning Putin bilan muloqoti haqida noto‘g‘ri ma'lumot berishayotganidan shikoyat qilgandi. «Yolg‘onchi OAV uchrashuvga salbiy baho berish maqsadida o‘z energiyasining har bir zarrachasidan foydalanmoqda. Bu bizning mamlakatimiz uchun juda yomon!», - deya ta'kidlab o‘tdi u.

Vladimir Putin va Donald Tramp o‘rtasidagi birinchi to‘liq shakldagi uchrashuv 16 iyul kuni Xelsinkidagi prezidentlik saroyida bo‘lib o‘tdi. Umuman olganda, yakkama-yakka muloqot ham hisobga olinsa, uchrashuv to‘rt soat davom etdi. Tomonlar muzokaralardan mamnun ekanliklarini ta'kidladilar.

Eslatib o‘tamiz, avvalroq Putinning Poroshenkoga tahdidi haqida yangi ma'lumotlar paydo bo‘lgandi.