Nurmagomedovni tanqid qilganlar «quturgan itlar» bilan taqqoslandi

Mutlaq jangchilar chempionati (UFC) chempioni Habib Nurmagomedovning manfaatlarini himoya qiluvchi menejyer Rizvon Magomedov o‘z vakilining musiqachi Timati bilan mojarosi bo‘yicha izoh berdi.

Hodisa jangchi Mahachqal'ada Yegor Kridning konsertini taqiqlab qo‘yish g‘oyasini qo‘llab-quvvatlagani tufayli kelib chiqdi. Shundan keyin Timati sportchi bilan mojaroga bordi.

«Biz axloqsizlikni oddiy holat sifatida qabul qilyapmiz! Tartibga oz bo‘lsa-da chaqiriq bilan chiqqaningda, «ilg‘or» deb ataluvchi barcha odamchalar o‘z fikri hamda pozitsiyasini bildirgan kishiga xuddi quturgan itlar kabi tashlanishdi», - deya yozgan Magomedov instagramdagi sahifasida.

Eslatib o‘tamiz, avvalroq UFC’ning eng kuchli jangchilaridan biri Nurmagomedovni tanqid qilgandi.