Italiyada Yevropadagi eng baland osma ko‘prik ochiladi

Italiyaning Val Tartano vodiysi ustidan o‘tuvchi hamda Morben va Sondrio aholi punktlarini bog‘lovchi Yevropadagi eng baland osma ko‘prik 22 sentabrda ochiladi. 

“Osmonga ko‘prik” deb nomlangan inshoot balandligi 1034 metr bo‘lgan ikkita tog‘ cho‘qqisini bog‘laydi. Ko‘prik uzunligi 234 metr bo‘lib, 140 metr balandlikda joylashadi. Uning qurilishi 750 ming yevroga tushgan.

Ko‘prik mahalliy aholiga boshqa qishloqlar va yaylovlarga tez yetib olishga imkon beradi. Avval buni qilish uchun ular butun vodiyni kesib o‘tishlariga to‘g‘ri kelgan. 

Ko‘prik shuningdek diqqatga sazovor joyga aylanishi mumkin. Sayyohlar ko‘prikdan go‘zal manzaralar – Kolomber to‘g‘oni, o‘tloqlar, Alp cho‘qqilari, Adda daryosining ko‘lga quyilishi joyini ko‘rish imkonini oladilar. Sayyohlarga ko‘prikka kirish 5 yevro turadi. Ular bu pulga ko‘prik orqali cheklanmagan marta yurish imkonini oladilar.