Pentagon Rossiya va Xitoyni tahdid deb atadi

Pentagon tomonidan taqdim etiluvchi kiberxavfsizlik bo‘yicha yangi strategiyada Rossiya va Xitoy Qo‘shma Shtatlar uchun asosiy tahdidlar deyilgan. Bu haqda Fox News xabar bermoqda.

Hujjatga ko‘ra, Rossiya tomoni AQShga qarshi «kibermakonda axborot amaliyotlarida» ishtirok etgan, Xitoy esa mamlakat hukumati va xususiy kompaniyalardan muhim ma'lumotni o‘marish bilan shug‘ullangan.

Ta'kidlanishicha, Moskva hamda Pekin Vashingtonning raqiblari bo‘lib, ulardan «salbiy ko‘rinishdagi kiberfaollik» tarqalmoqda. Pentagon o‘zini shunday tahdidlardan xavfsiz qilish uchun mudofaa harakatlarini qo‘llashni rejalashtirmoqda. Shuningdek, Eron va KXDR ham «Amerika manfaatlariga tahdidlar» ro‘yxatida bor.

Eslatib o‘tamiz, avvalroq Tramp Rossiyaning xatti-harakatlarini tajovuzkor deb atagandi.