14:09 / 19.09.2018
2701
“Ўзбекистон ҳаво йўллари” 2018 йилда уч млндан ортиқ йўловчи ташишни режалаштирмоқда
Фото: KUN.UZ

“Ўзбекистон ҳаво йўллари” Миллий авиакомпанияси 2018 йилда уч миллиондан ортиқ йўловчи ташишни режалаштирмоқда, деб хабар қилди авиакомпания матбуот хизмати.

«Ўтган йил якунлари бўйича авиакомпания 2,7 миллион нафар йўловчи ташиган бўлса, бу йил уч миллиондан ортиқ йўловчи ташиш режалаштирилмоқда», – дейилади МАК хабарида.

Хабарда келтирилишича, парвозлар географияси йилдан-йилга кенгаймоқда. Охирги йил давомида Душанбега, Самарқанддан Истанбулга янги йўналишлар очилди, Лоҳурга парвозлар тикланди, Нью-Йорк, Дубай, Бишкек, Москва ва Россиянинг бошқа қатор шаҳарларига қатновлар сони ошди.

Шунингдек, юк ташиш бўйича кўрсаткичлар ҳам ошиб бораётганлиги қайд этилган.

Top