AQSh vitse-prezidenti Makedoniyaning siyosatini qo‘llab-quvvatladi

AQSh vitse-prezidenti Mayk Pencning Makedoniya bosh vaziri Zoran Zayev bilan uchrashuvda ma'lum qilishicha, NATOga a'zo davlatlar orasida Makedoniyani ko‘rishni istaydi. Bu haqda Oq uy tomonidan tarqatilgan bayonotda xabar berildi.

Ta'kidlanishicha, Pens Zayevni 30 sentabrga belgilangan «tarixiy» referendum bilan tabrikladi, unda mamlakat fuqarolari mamlakat nomini Gretsiya bilan ziddiyat tufayli o‘zgartirish masalasini hal qiladilar. Agar makedoniyaliklarning qarori ijobiy bo‘lsa, unda mamlakat NATO va Yevropa ittifoqiga (YeI) a'zo bo‘lishi mumkin.

«Vitse-prezident mamlakatning NATO va YeIga a'zo bo‘lish borasidagi intilishini to‘la qo‘llab-quvvatlashi haqida bildirdi», - deyiladi Oq uy bayonotida.

Eslatib o‘tamiz, avvalroq kichik Jorj Bush ham Makedoniya fuqarolariga chaqiriq bilan chiqqandi.