«Uembli»da superjang. Povetkin uçun oxirgi imkon

Jang arafasidagi fikrlar
Joshua Povetkinga qarşi jangda raqibni muddatidan avval mağlub etiş niyatini közlamayapti. «Asosiysi - ğalaba, nokaut emas», degan boksçi.

«Men boks tomoşa qilayotganimda, nokaut körişni xohlayman. Ha, men muxlislarni juda yaxşi tuşunaman. Ringda ekanimda ham ularning istagini his qilib turaman. Lennoks Lyus jang qilgan vaqtlarda uni juda zerikarli boksçi deb ataşardi. Ammo hozir u aqlli va buyuk boksçi bölgan deyişadi. Çunki, tarixda ğalabalar qoladi.

Boksda asosiysi raqibni mağlub etişdir. Şunday ekan, har qanday boksçi ringga öz strategiyasi va öz rejalari bilan çiqadi. Men nokautçiman, agar imkon bölsa uni qulataman. Ammo imkoniyat bölmasa, men şunçaki aql bilan oddiy jang olib boraman», degan çempion boksçi.

Rossiyalik boksçi esa bu çempionlik titulini qölga kiritiş uçun oxirgi imkon bölişi mumkinligini tan olmoqda.

«Men xotirjamman. Yoş va kuçli jahon çempioni bilan jang uçun tayyorman. Bu sinov. Umuman, har bir jang sinov. Men yaqinda 39 yoşga tölaman va bu jang men uçun juda muhim. Bu balki jahon çempioni bölişim uçun oxirgi imkondir.

Umuman, men yaxşi tayyorlandim. Özimni yaxşi his qilmoqdaman», degan sportçi.

Boksçilar tarixi
Entoni Joshua boks bilan 18 yoşga çiqqanidan keyingina şuğullana boşlagan. Ammo u tezda tajriba töplab, mamlakatdagi turli darajadagi turnirlarda ğalaba qozongan. U 2010 yili oğir vaznda Angliya çempioniga aylanadi. Havaskor boksda 43 jang ötkazib, şundan 40 martasida ğalaba qozongan Joshua 2011 yili Bokuda ötkazilgan jahon çempionatida kumuş medal egasi böladi va olimpiada yöllanma oladi. Joshua 2012 yilgi London Olimpiadasida +91 kg vazn toifasida iştirok etib, turnir davomida kubalik Erislandi Savon, xitoylik Çjan Çjiley, qozoğistonlik Ivan Diçko hamda italiyalik Roberto Kammarelleni mağlub etadi hamda Olimpiada ğolibiga aylangaç, 2013 yilda professional boksga kirib keladi. 

U professional ringda odatga köra dastlab kuçsiz raqiblarga qarşi janglar ötkaziladi va reytingini yaxşilaydi. Uning ilk jiddiy raqibi 2015 yilda amerikalik Kevin Jonson böladi. Joshua bu raqibni ham 2-raunddayoq nokautga uçratadi va WBC reytingida 2-öringa kötarilib oladi. Keyin u Geri Korniş, Dillian Uayt kabi boksçilarni ham nokautga uçratadi. Unga qarşi çiqqan boksçilar öz faoliyatida ilk mağlubiyatlarini qabul qilişardi.

2016 yilning aprelida Joshua IBF kamari uçun amerikalik Çarlz Martinga qarşi ringga kötariladi va undan kamarni tortib oladi. 2016 yilning iyunida Joshua amerikalik yengilmas boksçi Dominik Brizilni yengadi. Bu uning ilk himoya jangi böladi. Keyingi himoya jangida yana bir kuçli boksçi Erik Molina mağlub etiladi.

2017 yilning aprel oyi oxirida esa Joshua superoğir vazn toifasida WBA, IBF va IBO yönalişlari ğolibi, ukrainalik sobiq jahon çempioni Vladimir Kliçkoga qarşi ringga kötarildi. IBF va WBA yönalişlari çempionligi tikilgan jangning 11 raundida yoş boksçi tajribali raqibini texnik nokautga uçratdi. E'tiborli jihati, bungaça Joşuaga qarşi çiqqan raqiblardan heç kim yettinçi raundan nariga öta olmagandi. Kliçko bu borada birinçisi böldi. Bu jangdan keyin Kliçko boksni tark etdi.

2017 yilning avgustida Joshua himoya jangida Karlos Takamni nokautga uçratdi. Bu Joşuaning qatorasiga 20 jangda raqibni nokautga uçratib, afsonaviy Mayk Taysonning rekordini yöqqa çiqardi.

2018 yil martida yangi zelandiyalik Jozef Parker mağlub etildi va WBO kamari qölga kiritilib, Joshua jahon çempionligi kamarlari soni böyiça Gennadiy Golovkinning natijasini takrorladi. Endi mutlaq jahon çempioni böliş uçun unga Deontey Uaylderning WBC kamari kerak. Faqat undan oldin Povetkinga qarşi himoya jangida ham ğalaba qozoniş talab etiladi.

Aleksandr Povetkin

Aleksandr Povetkin 2000 yilda -91 kg vazn toifasida Rossiya çempioni, 2001—2002 yillarda +91 kg vazn toifasida Rossiya çempioni, 2002 va 2004 yillarda Yevropa çempioni, 2003 yili jahon çempioni, 2004 yilda Olimpiya çempioni.

2005 yilda professional boksdagi faoliyatini boşlagan Povetkin 2011-2013 yillarda WBA yönalişida doimiy jahon çempioni bölgan, 2014 yilda WBC Silver titulini, 2017 yilda esa WBO International va WBA Continental titullarini qölga kiritgan.

U faoliyati boşida Larri Donald, Kris Byord, Eddi Çembers, Taurus Sayks, Jyeyson Estrada va Leon Nolan kabi raqiblarni mağlub etgan. 2011 yilda özbekistonlik Ruslan Çagayevni hakamlar baholariga köra mağlub etib, undan WBA kamarini tortib olgan. 2012 yili kamarni Hasim Rahmondan, 2013 yili Anjyey Vavjikdan muvaffaqiyatli himoya qilgan. Öşa yilda IBF va IBO kamarlari uçun jangda ukrainalik Vladimir Kliçkodan mağlub bölgan. 

Doping mojarosi
2016 yilda boksçi taqiqlangan moddalar qabul qilişda ayblandi va WBC reytingidan çiqarib taşlandi. 

2016 yilning 17 dekabr kuni Povetkinning kanadalik Bermeyn Stivernga qarşi jangi oldidan, ya'ni, 6 dekabr kuni topşirgan doping namunasida taqiqlangan modda aniqlangani haqida ma'lum qilingandi. Test natijasiga köra, rossiyalik boksçining namunasida SARM guruhiga kiruvçi Ostarin moddasi aniqlangan edi.

Keyinroq Rossiya professional boks federatsiyasi vitse-prezidenti va Povetkinning promouteri Andrey Ryabinskiy boksçining namunasida taqiqlangan preparat bölgan, ammo uni diskvalifikatsiya qiliş uçun yetakli miqdorda bölmaganini ma'lum qilgandi. Biroq, uning «B» namunasida doping borligi aniqlandi.

Keyinroq undan ayblovlar olib taşlandi va u Bermeyn Stivern örniga fransiyalik Yoann Dyuopaga qarşi jang qilib, ğalaba qozondi.

Eslatib ötamiz, 22 sentabr kungi jang keçasida özbekistonlik boksçi Şahram Ğiyosov ham ringga çiqadi.

Şahramga öşa kungi bahsda nikaragualik Xulio Laguna raqiblik qiladi. Ğiyosov şu kungaça prof ringda tört marotaba ringga çiqib, ularning barçasida ğalaba qozongan (3 tasi nokaut). Laguna esa 14 ta jang ötkazgan va ularning barçasida ğolib bölgan. 10 ta jangni muddatidan oldin yakunlagan.