Shu hafta Ukrainaning Cherkassk oblastidan O‘zbekistonga birinchi marta qoramollar yetkazib berildi, deya yozmoqda «UkrAgroKonsalt».
Ma'lumotlarga ko‘ra, 33 bosh qoramol Qashqadaryo viloyati, Koson tumanidagi «Obod Zamon» fermer xo‘jaligiga jo‘natilgan.
«Yetkazib berish muvaffaqiyatli o‘tdi. Biz Ukraina va O‘zbekiston o‘rtasidagi samarali hamkorlik davom etishiga umid qilamiz», - deya izoh berdi Dairy Global Experts mintaqaviy rivojlanish bo‘yicha direktori Aleksandr Glebchuk.
Dairy Global Experts kompaniyasi xalqaro bozorga chiqish uchun Sut ishlab chiqaruvchilar assotsiatsiyasi maslahat markazi negizida tashkil etilgan.
