Illyustrativ foto
Bosh prokuratura va Namangan viloyat prokuraturasi xodimlari tomonidan tezkor tadbir o‘tkazildi, deb xabar bermoqda Bosh prokuratura matbuot xizmati.
Unda «Namangandonmahsulotlari» AJ mansabdor shaxslariga nisbatan qo‘zg‘atilgan jinoyat ishi bo‘yicha «Hamkor qurilish servis» MChJ rahbari E.Mamadjanov aniqlangan 12,3 mln. so‘m zararni yopib berish hamda jinoyat ishi bo‘yicha unga nisbatan qismini tugatish evaziga Namangan viloyat prokuraturasi tergovchisi X.Umirzaqovga 300 AQSh dollarini pora tariqasida bergan vaqtda ashyoviy dalillar bilan ushlangan.
Mazkur holat yuzasidan E.Mamadjanovga nisbatan O‘zbekiston Respublikasi Jinoyat kodeksining 211- moddasi 1-qismi bilan jinoyat ishi qo‘zg‘atilib, tergov harakatlari o‘tkazilmoqda.
