O‘zbekistonda yangi milliy markaz tashkil etiladi

O‘zbekistonda yuqumli bo‘lmagan kasalliklar profilaktikasi, sog‘lom turmush tarzini qo‘llab-quvvatlash va aholining jismoniy faolligi darajasini 2019-2022 yillarda oshirish bo‘yicha konsepsiya tasdiqlanadi. Bu haqda prezidentning tegishli qarori loyihasida aytiladi. 

Shuningdek, yuqumli bo‘lmagan kasalliklar profilaktikasi, sog‘lom turmush tarzini qo‘llab-quvvatlash va aholining jismoniy faolligi darajasini 2018-2022 yillarda oshirish bo‘yicha chora-tadbirlar dasturi tasdiqlanadi. 

Qaror loyihasi bilan Sog‘liqni saqlash vazirligi huzurida Aholining sog‘lom turmush tarzini qo‘llab-quvvatlash va jismoniy faolligini oshirish bo‘yicha milliy markaz tashkil etilishi mo‘ljallangan.

Markazning faoliyati sog‘lom turmush tarzini shakllantirish, yuqumli va yuqumli bo‘lmagan kasalliklar profilaktikasi hamda ular bilan kurashish bo‘yicha manzilli dasturlarni ishlab chiqish va amalga oshirish, aholi bilan bu boradagi ishlarni kuchaytirish, sog‘lom turmush tarzini targ‘ib etish bo‘yicha ommaviy tadbirlar o‘tkazish, respublika aholisi salomatligi holatini monitoring qilishning yagona tizimini tashkil etishga bog‘liq bo‘ladi.