Bank filiali bosh hisobchisi «valyutafurushlik» bilan shug‘ullangani uchun ushlandi

Departamentning Buxoro viloyat boshqarmasi xodimlari tomonidan tezkor tadbir o‘tkazildi, deb xabar bermoqda Bosh prokuratura matbuot xizmati.

Unda «O‘zsanoatqurilishbank» ATB Qorovulbozor filiali bosh hisobchisi A. har bir AQSh dollarini 8025 so‘mdan hisoblab, 8000 AQSh dollarini 64,2 mln. so‘mga tanishi Sh. orqali sotgan vaqtda ushlanib, 8000 AQSh dollari ashyoviy dalil sifatida olingan.

Mazkur holat yuzasidan fuqaro A.ga nisbatan jinoyat ishi qo‘zg‘atilib, tergov harakatlari o‘tkazilmoqda.

Eslatib o‘tamiz, avvalroq O‘zbekistonda valyuta «qora bozori» faollashgani xabar qilingandi.