Husiylar qurolli kuchlari o‘z bayonotida Saudiyaning Yamanga qarshi qamaliga javoban «jinoyatchi dushmanga nisbatan 'ko‘zga ko‘zʼ tamoyiliga asoslangan dengiz embargosi darhol kuchga kirishi»ni ta’kidlagan.
2014 yilda Yaman poytaxti Sanoni egallab olgan ushbu guruh Saudiya rahbarlarini deyarli 12 yildan beri «nohaq va zolimona qamal» o‘rnatganlikda, «portlari va aeroportlariga quruqlikdan, dengizdan va havodan har tomonlama blokada o‘rnatganlikda» aybladi.
Husiylar, shuningdek, «barcha ssenariylarga to‘liq tayyor» ekanliklarini bildirishdi va Saudiyaning «har qanday ahmoqona» harakatiga «har tomonlama va qat’iy» javob berilishi haqida ogohlantirishdi.
Saudiya Arabistoni Tashqi ishlar vazirligi bu ayblovlarni qoraladi va o‘z kemalarini himoya qilish uchun «barcha zarur choralar» ko‘rilishini
.
Blokada haqidagi e’londan so‘ng, Yamandagi Saudiya boshchiligidagi koalitsiya ham husiylarga kuch bilan javob berishini bildirdi. Shuningdek, Ho‘rmuz bo‘g‘ozi amalda yopilgach, Saudiya nefti eksporti uchun asosiy yo‘nalishga aylangan Bob al-Mandab bo‘g‘ozi orqali harakatlanayotgan kemalar himoyasi uchun choralarni amalga oshirishni boshlangan.
Ushbu e’lon husiylar Sano aeroportiga qilingan hujumda Saudiya Arabistonini ayblaganidan bir necha kun o‘tib paydo bo‘ldi. Vaholanki, Yamanning xalqaro miqyosda tan olingan hukumati Eron samolyotining poytaxtga qo‘nishiga yo‘l qo‘ymaslik maqsadida ushbu hujum uchun mas’uliyatni o‘z zimmasiga olgan edi.
Shu bilan birga ushbu keskinlashuv – AQSh harbiylari uchun urushning eng ko‘p talafot keltirgan davrlaridan biridan so‘ng yuz bermoqda.
