Qoʻshimcha funksionallar
-
Tungi ko‘rinish
“MAKRO” savdo-ko‘ngilochar markazida yong‘in sodir bo‘ldi
O‘zbekiston Respublikasi IIV Yong‘in xavfsizligi bosh boshqarmasidan olingan xabarga ko‘ra, kecha soat 16:31da Toshkent shahar IIBB Kuch va vositalarni boshqarish va muvofiqlashtirish markaziga, Mirobod tumani, Nukus ko‘chasi 83-uyda joylashgan “MAKRO” savdo-ko‘ngilochar markazining yerto‘lasida joylashgan Bouling klubida yong‘in sodir bo‘layotganligi haqida xabar tushgan.
O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, jangovar bo‘linmalar tomonidan ko‘rilgan tezkor harakatlar natijasida yong‘in soat 17:20da bartaraf etilgan.
Yong‘in oqibatida Bouling klubi uskunasining dvigateli va devor qoplamasi 15 kv.m. maydonda yongan.
Yong‘in sababi va keltirilgan moddiy zarar miqdori aniqlanmoqda. Jabrlanganlar yo‘q.
