Антониус Гунаван Агунг 28 сентябрда Сулавеси оролидаги Palu's Mutiara SIS Al-Jufrie аэропортидаги иш жойида бўлган. 6,1 магнитудали биринчи ер силкинишлар бошланганда у Batik Air авиакомпаниясининг бортида юзлаб йўловчилар бўлган самолёти ҳавога кўтарилмагунча бошқалар билан бирга диспетчерлик минорасини тарк этишдан воз кечган.
Йигит самолёт хавфсизликда эканига ишонч ҳосил қилгандан кейингина вайрон бўлаётган минорани тарк этишга шошилган. У вақтга келиб зилзила кучи 7,4 магнитудага етган.
Йигит 4-қават баландлигидан сакрашига тўғри келган, бунинг натижасида у ички тана аъзоларининг кўплаб жароҳатларини олган.
Яқин орадаги шифохонада унга биринчи тиббий ёрдам кўрсатилган, бироқ жасур йигит уни замонавийроқ қурилмаларга эга бўлган шифохонага олиб кетиши керак бўлган вертолёт келгунча жони узилган.
Таъкидланишича, йигитга 22 ёшга тўлишига бир ойгина қолган бўлган.
28 сентябрь куни Индонезиянинг Сулавеси оролида 7,5 магнитудали зилзила содир бўлди. Шу билан бирга, мамлакат ҳудудида 5,8 магнитудали зилзилалар серияси қайд этилган.
