Organizmni tozalashning samarali usuli aytildi

San-Paulu universiteti (Braziliya) olimlarining aniqlashicha, jismoniy mashqlar mushak to‘qimalaridan zaharli oqsillarni chiqarib yuborishda yordam beradi. Bu haqda MedicalXpress’dagi matbuot uchun xabarnomada aytiladi.

Mushaklarning disfunksiyasi past harakatga ega bo‘lgan keksalar va quymuch nervining zararlanishidan aziyat chekadigan kishilarga xos. Nevropatiyaga ega sichqonlar bilan o‘tkazilgan tajriba natijalari shuni ko‘rsatdiki, bunday holatda autofagiya ham buziladi - zararlangan hujayra tarkibiy qismlari va lizosomalar ichidagi zaharli birikmalarning tanazzulga uchrashi jarayoni. Biroq quymuch nervi jarrohlik yo‘li bilan buzilishidan avval to‘rt hafta davomida faol bo‘lgan kemiruvchilarda autofagiya boshqa hayvonlardan ko‘ra yuqori darajada saqlanib turdi.

Boshqa bir tajribada tadqiqotchilar skelet mushak to‘qimasida autofagiya bilan bog‘liq ATG7 genini to‘sib qo‘yishdi. Bu gen autofagosoma deb ataluvchi vezikula (hujayra ichi pufakchasi) hosil bo‘ladigan oqsillarni kodlaydi. U zararlangan organellalar oldida joylashadi hamda ularning buzilishiga yordam beradi. Bosib qo‘yilgan ATG7’ga ega sichqonlarda ham mushaklarning rivojlanib boruvchi disfunksiyasi aniqlangan.