Мамлакат парламенти Мьянма раҳбарига 2007 йилда берилган рамзий мақомдан маҳрум этиш ҳақидаги қарорни бир овоздан маъқуллади. Юқори палатанинг қарори ўтган ҳафтада умумий палатада бир овоз билан қабул қилинган қарорни тасдиқлади.
Аун Сан Су Чжи Канада фахрий фуқаролигидан маҳрум этилган биринчи шахсга айланди.
Ўтган ой Бирлашган Миллатлар Ташкилотининг далилларни аниқлаш бўйича миссияси Мьянма ҳарбийлари минглаб роҳингя мусулмонларини ўлдиргани, юзлаб қишлоқларни ёқиб юборгани ва этник тозалаш ҳамда оммавий зўрлаш билан шуғуллангани ҳақида хабар берди. Миссия юқори лавозимли ҳарбийларни жиноий жавобгарликка тортиш ва геноцидни тергов қилиш талаби билан чиқди.
Маълумот учун: Аун Сан Су Чжи - бирмалик ва мьянмалик сиёсий арбоб, ҳарбий хунтага мухолиф бўлган «Демократия учун миллий лига» партияси етакчиси. 2016 йилдан бери - Мьянма ташқи ишлар вазири ва давлат маслаҳатчиси (бу лавозим бош вазирликка тенгдир). Аун Сан Су Чжига 1991 йилда Нобель тинчлик мукофоти берилганди.
Эслатиб ўтамиз, аввалроқ Reuters журналистлари Мьянмадаги ҳодисаларни ёритганидан сўнг 7 йилга озодликдан маҳрум этилгани хабар қилинганди.
