«Barselona» hujumchisi Lionel Messi Primeraning 8-turi doirasida «Valensiya»ga qarshi kechgan bahsda (1:1) jamoasining yagona goli muallifi bo‘ldi.
Argentinalik futbolchi 23-daqiqada Luis Suares bilan kombinatsiyadan so‘ng jarima maydoni yaqinidan turib raqib darvozasini ishg‘ol etdi va hisobni tenglashtirdi.
Opta`ning ma'lum qilishicha, Messi Ispaniya chempionatining oxirgi 10 ta mavsumidan buyon 57 ta golini jarima maydoni tashqarisidan turib kiritgan. Bu ko‘rsatkich bo‘yicha u Yevropaning kuchli beshlik chempionatlari ichida yetakchi futbolchi bo‘lib turibdi.
La Liganing ushbu mavsumida 31 yoshli hujumchi 8 o‘yinda maydonga tushib, 6+4 mahsuldorlik ko‘rsatkichini qayd etgan.