Foto: AP/John Locher
Yakkakurash jangchisi Konor Makgregor rossiyalik Xabib Nurmagomedov bilan jangdan keyin bir oyga janglardan chetlatildi.
Daily Mail nashrining xabar berishicha, shifokorlar irlandiyalikka 6 noyabrgacha ringga tushishni taqiqlab qo‘yishgan. Ta'kidlanishicha, Makgregor shundoq ham yaqin bir oy ichida jang o‘tkazishni rejalashtirmagan.
Makgregorning Nurmagomedov bilan jangdan keyingi janjaldagi harakatlarida qoidabuzarlik topilsa, u uzoqroq muddatga chetlatilishi ham mumkin.
