“Lasetti” uchun pullarni olib, hujjatlarni rasmiylashtirib bermagan shaxs ushlandi

Toshkent shahrining Uchtepa tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

2018 yil 9 oktabr kuni tuman IIBga tushgan hujjatlarga ko‘ra, 2017 yil 5 iyul kuni Mirzo Ulug‘bek tumanida yashovchi A.G‘. Dadil tor ko‘chasida yashovchi Z.S.ning uyi oldida unga avariya holatida bo‘lgan “Lasetti” rusumli avtomashinasini 6000 AQSh dollariga sotib yuborib, shu kunga qadar avtomashinani notarial tarzda Z.S.ning nomiga rasmiylashtirib bermasdan, pullarni o‘z ehtiyoji yo‘lida ishlatib yuborganligi ko‘rsatilgan. A.G‘. qo‘lga olingan.

Holat yuzasidan jinoyat ishi qo‘zg‘atilib, tergov harakatlari olib borilmoqda.