«AQSh Erondagi hokimiyatni almashtirishga intilmoqda» - Ruhoniy

Eron prezidenti Hasan Ruhoniyning ma'lum qilishicha, AQSh Erondagi qonuniy hukumatni almashtirishni istaydi.

«Tizim legitimligini qisqartirish - ularning yakuniy maqsadidir.  Ular qanday qilib rejimdan xalos bo‘lishadi? Legitimlikni kamaytirish vositalaridan foydalanishadi, aks holda rejimni o‘zgartira olishmaydi», deya Ruhoniyning so‘zlarini keltirgan Reuters agentligi.

Ruhoniyning so‘zlariga ko‘ra, AQSh urush keltirib chiqarishning psixologik va iqtisodiy usullarini qo‘llaydi hamda Islom Respublikasi legitimligini so‘roq ostida qoldirish va buning evaziga mamlakatda hukumatni almashtirishni ko‘zlaydi.

AQSh va Eron munosabatlari Donald Tramp hokimiyatga kelishi ortidan yomonlashdi. Oq uy rahbari bir necha marta rasmiy Tehronni xalqaro terrorizmni qo‘llab-quvvatlash va mintaqadagi vaziyatni izdan chiqarishga urinishda aybladi. Shu yilning mayida Tramp rasmiy Vashington Eron bilan yadroviy kelishuvdan chiqqanini ma'lum qilgandi. Bu orqali Qo‘shma shtatlar Eronga nisbatan sanksiyalarni tiklay boshladi.