Kelajakka nazar tashlashni va kelgusida qanday kasblar paydo bo‘lishi mumkinligini bilmoqchimisiz? U holda ilgari IBM injyeneri bo‘lgan va hozirda Da Vinchi instituti ijrochi direktori bo‘lgan Tomas Frey tuzgan ro‘yxat bilan tanishing.
Dronlar dispetcheri (Drone Dispatcher) — dronlar mahsulot, suv va taom tashiydi, hududni va suv havzalarini chiqindilardan tozalaydi, atrof-muhitni kuzatadi. Dronlarning ish faoliyati kengaygani sari ularni boshqaruvchi dispetcherlarga bo‘lgan talab oshadi.
Kvant hisob-kitoblar bilan shug‘ullanuvchi (Brain Quants) — birja savdolari uchun murakkab matematik uslublardan foydalanuvchi mutaxassis.
Gravitatsiyani yenguvchi (Gravity Puller) — gravitatsiyaga ta'sir qiluvchi kodni buzuvchi dastlabki kishilar.
Vaqt xakeri (Time Hacker) — umr ko‘rish davomiyligini boshqaruvchilar.
Vaqt brokeri (Time Broker) — vaqt bilan savdo qiluvchi bankir.
Tabiat injyeneri (Tree-Jacker) — o‘simlik va daraxtlarni o‘zgartirish bilan shug‘ullanuvchi mutaxassis. U dasturlangan daraxtlar yaratish, ularning barglari, shakli, mevasi va rangini o‘zi istagan ko‘rinishga keltirish bilan shug‘ullanadi.
Biolog-psixolog (Plant Psychologist) — tabiat injyenerlarining faoliyati keltirishi mumkin bo‘lgan zararni kamaytirish bilan shug‘ullanadi.
Jonivorlarni klonlashtiruvchi (Extinction Revivalist) — yo‘qolib ketgan jonivorlarni qayta tiriltirish bo‘yicha mutaxassis.
Klonlashtirish bo‘yicha fermer (Clone Rancher) — kelajakda odamlar xuddi uy jonivorlari singari fermalarda ko‘paytiriladi.
Tana qismlarini ishlab chiqaruvchi (Body Part & Limb Maker) — inson organlarini yaratish bilan shug‘ullanadi.
O‘simliklar tarbiyachisi (Plant Educator) — «aqlli» o‘simliklar talabga qarab o‘zgaradi.
Lab dizayneri (Lip Designer) — labni istalgan shaklga keltiruvchi mutaxassis.
