«Manchester Siti» bosh murabbiy Pep Gvardiola «Barselona»da ishlagan davrini esga oldi va hujumchi Lionel Messi haqidagi fikrlari bilan o‘rtoqlashdi.
«Barselona»ni sog‘inch bilan eslayman, bu ajoyib tajriba, hayotda bir marta yuz beradigan voqeaga o‘xshash edi.
Messi haqida gapiradigan bo‘lsam, u tabiatan introvert (tashqi muhit bilan aloqaga yaxshi kirisholmaydigan, odamovi - izoh Tribuna.uz) va kurashga chanqoq vahshiy hayvon. Bu esa uning jamoadoshlariga yanada yaxshiroq o‘ynashga yordam beradi.
U mag‘lub bo‘lishni yomon ko‘radi. Leo xuddi yosh boladay o‘ynaydi, agar jamoadoshlari unga ko‘maklashsa, o‘yin taqdirini hal qila oladi», – dedi Gvardiola.
