2018 yil yakunlari bo‘yicha O‘zbekiston va Rossiya 5 mlrd dollarlik tovar aylanmasiga chiqishi mumkin

2018 yil yakunlari bo‘yicha Rossiya Federatsiyasi va O‘zbekiston 5 milliard dollarlik tovar aylanmasiga chiqishi mumkin.

«Bizning fikrcha, joriy yil yakunlari bo‘yicha O‘zbekiston bilan tovar aylanmasini 5 mlrd dollarga yetkazish uchun barcha imkoniyatlar mavjud», - dedi Rossiya prezidentining yordamchisi Yuriy Ushakov jurnalistlarga.

Ushakovning so‘zlariga ko‘ra, 2017 yilda Rossiya va O‘zbekiston o‘rtasidagi tovar aylanmasi 3,7 milliard dollarni tashkil etdi. Joriy yilning yanvar-iyul oylarida u 32 foizga oshdi.

«Rossiya Federatsiyasi va O‘zbekiston rahbarlarining sammitida hukumat rahbarlari darajasida savdo-iqtisodiy hamkorlikning yangi mexanizmini yaratish to‘g‘risida qaror qabul qilinadi, - deya xabar berdi u. - Ya'ni, hukumatlararo komissiyani O‘zbekiston va Rossiya tomonidan bosh vazirlar boshqaradi». «Bu, albatta, kelgusi rivojlanishdan yuqori darajada manfaatdorlik borligining belgisi», - deya qo‘shimcha qildi u.

Rossiya prezidenti yordamchisi ikki mamlakat o‘rtasida qishloq xo‘jaligi sohasida faol hamkorlikni qayd etdi, bu yil ikki mamlakat o‘rtasida bunday mahsulotlarni yetkazib berish 40 foizga oshdi.