«PSJ» darvozaboni Janluiji Buffon Chempionlar Ligasi finalida sobiq jamoasi «Yuventus» bilan duch kelishni istamasligini aytdi.
«Yo‘q, agar finalga chiqsak, «Yuventus» bilan duch kelishni istamayman», - deb Buffon so‘zlarini keltirmoqda Gazzetta dello Sport.
«Xursandchiligim sobiq jamoadoshlarim va «byankoneri» muxlislarining qayg‘usi natijasi bo‘lishini xohlamayman. Biz ko‘p marta birga yig‘laganmiz. Endi men to‘laqonli quvonchga haqliman.
Agar «Yuventus»ga qarshi duch keladigan bo‘lsam, buni finalga qadar yuz berishini istardim»,— dedi Buffon.
