Stoltenberg NATOning Yevropada yadro qurolini joylashtirish bo‘yicha rejalari haqida gapirdi

NATO bosh kotibi Yyens Stoltenberg Amerika Qo‘shma Shtatlari O‘rta va kichik masofadagi raketalarni yo‘q qilish bo‘yicha bitimdan chiqib ketmoqchi ekani munosabati bilan bayonot berdi. Bu haqda RIA «Novosti» xabar qilmoqda.

Stoltenbergning so‘zlariga ko‘ra, alyansdagilar yangi qurollanish poygasini istamaydi, ammo Rossiya tomoni bitim bilan nazarda tutilgan kelishuvlarga rioya qilishi kerak. Shuningdek, uning ta'kidlashicha, blok Rossiyaning yangi raketalari joylashtirilishi bo‘yicha oqibatlarni baholaydi.

«Men Rossiyaning yangi raketasiga javob sifatida, ittifoqchilar Yevropada yanada ko‘proq yadro qurolini joylashtiradi, deb hisoblamayman», - dedi Stoltenberg.

Eslatib o‘tamiz, avvalroq NATO sobiq rahbari jahon siyosatida kim sababli «xaos» kelib chiqqanini bildirgandi.