Jahon chempionati sovrindori, Osiyo chempioni Bahodir Jalolov bugun professional boksda o‘zining navbatdagi jangini o‘tkazdi.
Nyu-Yorkdagi «Madison Square Garden» arenasida o‘tkazilgan bahsda u amerikalik Tayrel Raytga qarshi ringga chiqdi.
Jang o‘zbekistonlik bokschining ustunligi ostida kechdi. Ketma-ket berilgan zarbalar natijasida to‘rtinchi raunddan so‘ng raqibning murabbiylari jangni to‘xtatishdi.
Shu tariqa, Jalolov ushbu bahsni ham muddatidan oldin yakunladi.
Eslatib o‘tamiz, Bahodir Jalolov bungacha ham ikkita jang o‘tkazib, ularning har ikkisida ham nokaut evaziga g‘alaba qozongandi.
Ma'lumot uchun, Rayt professional boksda bugungisi bilan qo‘shib hisoblaganda 14ta jang o‘tkazib, ularning 9tasida g‘alaba qozongan (6ta jangda nokaut evaziga). Bugungi mag‘lubiyat bokschi uchun uchinchisi bo‘ldi. Yana 2ta jangda durang qayd etgan.
