Og‘irligi deyarli 19 qirot keluvchi kamyob pushti brilliant Christie's auksionida 44,5 million shveysar frankiga (44 mln dollar) sotildi. Bu esa bir qirot brilliant uchun to‘langan rekord qiymat bo‘ldi.
Ushbu narx brilliantning auksion narxi hisoblanib, xaridorning savdoni o‘tkazgani uchun tashkilotchiga to‘laydigan mukofot puli bilan birga ushbu tosh o‘rnatilgan uzuk qiymati 50,37 mln dollarni tashkil qilgan.
Qimmatbaho toshning yangi egasi Harry Winston zargarlik uyi bo‘ldi. U toshni “Uinstonning pushti merosi” deb qayta nomlagan.
O‘ta toza, pushti rangdagi brilliant dastlab “Pushti meros” deb atalgan va uni 30 mlndan 50 mln dollargacha sotish rejalashtirilgan. Brilliantning boshlang‘ich narxi 24 mln shveysar frankini tashkil qilgan. Olmos Janubiy Afrikadagi konlardan birida topilgan. U uzoq yillar davomida De Beers olmos kompaniyasiga egalik qiluvchi Oppengeymerlar oilasiga tegishli bo‘lgan.
Ushbu brilliant to‘g‘ri burchakli ishlov berilgan eng katta brilliant hisoblanadi. Christie's auksion uyining 250 yillik tarixi davomida og‘irligi 10 qirotdan ko‘proq bo‘lgan to‘q pushti rangdagi brilliantdan bor-yo‘g‘i 4 dona sotilgan.
