Pentagon yanada samarali lazer quroliga ega bo‘lmoqchi

AQSh qurolli kuchlari bir necha yildan so‘ng yanada samarali lazer qurolini qo‘lga kiritadi, deb xabar qilmoqda TASS Qo‘shma Shtatlar mudofaa vaziri o‘rinbosari Maykl Griffinning bayonotiga asosan.

Uning so‘zlariga ko‘ra, Qo‘shma Shtatlar raketa hujumidan mudofaa uchun mo‘ljallangan, «kosmik makonni nazorat qilish quroli» bo‘lishi kutilayotgan bunday lazerlarni yaratish sohasida ishlanmalar olib boryapti.

Griffinning aniqlik kiritishicha, AQShda bunday tizimlarning yaratilishi hozirgi vaqtda ajratilayotganidan ko‘ra 3-4 barobar ko‘proq mablag‘ talab qiladi.

Bundan tashqari, AQSh qurolli kuchlari ehtimoliy dushmanning elektron qurilmalarini ishdan chiqarishga imkon beruvchi harbiy texnika yaratish uchun kuchli mikroto‘lqinli nurlanishdan foydalanishga harakat qilmoqda.

Eslatib o‘tamiz, avvalroq Hindiston geosiyosiy va iqtisodiy manfaatlari tufayli Rossiyadan S-400’ni sotib olgani xabar berilgandi.