Kim Chen In Seuldan sovg‘a sifatida olingan 200 tonna mandarinni aholiga tarqatish haqida buyurdi

KXDR yetakchisi Kim Chen In Janubiy Koreya tomonidan sovg‘a sifatida olingan 200 tonna mandarinni odamlarga tarqatish haqida topshiriq berdi. Bu haqda RIA Novosti xabar qilmoqda.

Mevalar Pxenyandagi maktab o‘quvchilari, bolalar va boshqa aholiga tarqatiladi.

Shuningdek, Kim Chen In Janubiy Koreya prezidenti Mun Chje Inga mandarinlar uchun minnatdorlik so‘zlarini yetkazib qo‘yishni so‘ragan.

Avvalroq, Janubiy Koreya hukumati Shimoliy Koreyaga ikki tonna yovvoyi o‘sadigan qo‘ziqorinlardan iborat sovg‘aga javoban 200 tonna mandarin yuborgandi.

Eslatib o‘tamiz, bundan avval Shimoliy Koreya ballistik raketalar dasturi ustida ishlashni davom ettirayotgani xabar qilingandi.