Lug‘at mualliflarining ta'kidlashicha, ushbu so‘zga qiziqish joriy yilda ancha oshgan. Bu so‘zning ma'nosi keltirilgan sahifani ko‘rish soni 45 foizga ko‘paygan. Ushbu so‘z “zaharli kimyoviy moddalar” , “zaharli maskulinlik” va “zaharli modda” iboralarida ko‘proq qo‘llangan.
Mutaxassislarning fikricha, “zaharli kimyoviy moddalar” va “zaharli modda” iboralariga qiziqish Buyuk Britaniyada GRUning sobiq polkovnigi Sergey Skripal va uning qizi zaharlangandan keyin oshgan. “Zaharli maskulinlik” iborasi esa jinsiy tegajog‘liklar bilan bog‘langan bo‘lib, bu bilan bog‘liq bir nechta mojarolardan keyin dolzarb iboraga aylangan. Bundan tashqari, bu iboraning ommaviylashishiga jinsiy tegajog‘liklarga qarshi #MeToo harakati sababchi bo‘lgan.
2017 yilda lug‘at “yoshlar isyoni” (youthquake) so‘zini yil so‘zi deb e'lon qilgandi.
Bundan avvalroq Collins Dictionary lug‘ati noshirlari 2018 yilning bosh so‘zi sifatida “single-use” – “bir martalik” iborasini tanlashgandi.
