Toshkent hokimligi Qozog‘istonga pullik yo‘l qurishni rejalashtirmoqda

Toshkent va Qozog‘istonning Chimkent shahrini pullik yo‘l bog‘lashi mumkin. Poytaxt hokimligida Xitoyning China Railway 14th Bureau Group Co Ltd kompaniyasi bilan hamkorlikda yo‘l qurish imkoniyatlari muhokama qilindi.

Bundan tashqari, Toshkentdan Chimyonga yo‘nalish bo‘yicha ham pullik yo‘l paydo bo‘lishi mumkin.

Shuningdek, uchrashuv qatnashchilari qurilish sohasida mutaxassislar tayyorlash bo‘yicha kurslar ochish tashabbusini ko‘rib chiqishdi. Uchrashuv yakunida Xitoy uslubi bo‘yicha ta'lim berishga bazaviy maydonchalar sifatida to‘rtta professional kollej tanlandi.

Eslatib o‘tamiz, avvalroq Jizzaxda pullik avtotrassa qurilishi mumkin ekani xabar berilgandi.