Turkiya tashqi ishlar vaziri Mavlud Chavusho‘g‘lining ma'lum qilishicha, Rossiyadan S-400 zenit raketa komplekslarini xarid qilish hal etib bo‘lingan masaladir. Bu haqda Reuters xabar qilmoqda.
Uning aniqlik kiritishicha, kelishuvni bekor qilish mumkin emas va bu qilinmaydi.
Shuningdek, Turkiya prezidenti Rajab Toyyib Erdo‘g‘an ham o‘z mamlakati Rossiyadan S-400 zenit raketa komplekslarini sotib olish niyatida ekanini tasdiqladi.
Avvalroq, Turkiya Rossiya raketa kompleksi uchun maydoncha qurish jarayonida ekani, bu AQSh tomonidan sanksiyalar tahdidiga qaramay yuz berayotgani haqida xabarlar tarqalgandi.
Eslatib o‘tamiz, bundan avval kamida 13 davlat Rossiyaning S-400 zenit raketa majmualarini Amerika quroli o‘rniga sotib olmoqchi ekani ma'lum qilingandi.
