Ronaldu transferining tashabbuskori «Yuventus» rahbari bo‘ldi

«Yuventus» sport direktori Fabio Paratichi klubning bosh direktori qilib tayinlandi.

Bu lavozimda u «Inter»ga o‘tib ketgan Juzeppe Marotta o‘rnini egalladi.

Football Italia xabariga ko‘ra, aynan Paratichi Krishtianu Ronalduning transferi tashabbuskori hisoblanadi.

61 yoshli Marotta 8 yillik faoliyatdan so‘ng, sentabr oyida «Yuventus»ni tark etgan edi. Bu vaqt oralig‘ida «Yuventus» 7 marta Italiya chempioni bo‘ldi va 2 marta Chempionlar Ligasi finaliga chiqdi.