O‘zbekiston delegatsiyasi Afg‘oniston bo‘yicha xalqaro konferensiyada ishtirok etadi. Bu haqda Tashqi ishlar vazirligi xabar bermoqda.
Qayd etilishicha, O‘zbekiston Respublikasi tashqi ishlar vaziri Abdulaziz Komilov boshchiligidagi delegatsiya 2018 yil 28 noyabr kuni Jyeneva shahrida (Shveytsariya) bo‘lib o‘tadigan Afg‘oniston bo‘yicha xalqaro konferensiyada qatnashadi.
Amaliy tashrif davomida O‘zbekiston delegatsiyasi qator ikki tomonlama uchrashuv va muzokaralar o‘tkazishi kutilmoqda, deyiladi xabarda.
Eslatib o‘tamiz, avvalroq Yevroittifoq Markaziy Osiyo bo‘yicha yangi strategiyani ishlab chiqishi xabar berilgandi.
