Britaniyada leyboristlar Meyga ishonchsizlik votumi bilan tahdid qilishdi

Buyuk Britaniya parlamentining Leyboristlar partiyasidan a'zosi Keyr Starmer so‘zlariga ko‘ra, partiya mamlakat bosh vaziri Tereza Meyga ishonchsizlik votumi bildirishi mumkin. Bu haqda Sky News xabar tarqatdi.

Uning so‘zlariga ko‘ra, agar Britaniya parlamenti Meyning Brexit bo‘yicha kelishuvini qabul qilmasa, leyboristlar «bu qadamga» boradi.

Shuningdek, uning qo‘shimcha qilishicha, bu vaziyatda Britaniyaning Yevropa ittifoqi tarkibidan chiqishi bo‘yicha ikkinchi referendum eng yaxshi variantga aylanadi.

Eslatib o‘tamiz, avvalroq The Guardian nashri Mey parlament sukunatini unvonlar evaziga sotib olishga uringani haqida yozgandi.

Qayd etilishicha, Tereza Meyni Britaniya mukofotlar tizimini devalvatsiya qilishda ayblab chiqishgan, bu u parlament a'zosi Jon Xeysga ritsarlik unvoni bergani tufayli sodir bo‘lgan.